Bazkideak

"Tokiko kontsumoa energiatik pasten da ere. Enargiak erronka horri erantzuten du, kontsumazioa arduraduntsu baten aldeko pauso berri bat da."

"Kooperatiba moduan sortua 1982an, Alkik bere garaian lurraldearen elkartasunaz baliatu ahal izan du Herrikoaren laguntzaren bitartez. Logikoa iduritu zaigu, orain berak bere laguntza ekartzea bere baloreetan diren lantegi berrieri. Enargia lagunduz, energia berriztagarriak eta tokiko ekonomia solidarioa sustatzea da helburu." 

Peio Uhalde, Lehendakari eta Zuzendari nagusia

"Gure energia ez dezagun xahutu, sustenga dezagun! Energia gure geroa da, lurraldean koka dezagun!"

"Enargia proiektua gustatu zitzaigun azken 35 urteetan de­fendatu ditugun kooperatiba printzipioekin bat egiten baitu eta lurraldearen eraldaketa energetikoan parte hartzen baitu. Proiektu bikain horri gure laguntza ekartzeak pozten gaitu."              

Philippe Ascone Lehendakari eta zuzendari nagusia & Stéphane Bousquet Idazkari nagusia

"Energia burujabetza lurralde bakoitzarentzat beharrez­koa da; eta lurralde bakoitzak demokratikoki energiaren ekoizpena, hornidura eta garraioa kudeatzeko aukera ukan behar du. Hori, tokiko interes kolektiboko kooperati­ba batek soilik egiten ahal du."

"Energia burujabetza lurralde bakoitzarentzat beharrez­koa da; eta lurralde bakoitzak demokratikoki energiaren ekoizpena, hornidura eta garraioa kudeatzeko aukera ukan behar du. Hori, tokiko interes kolektiboko kooperati­ba batek soilik egiten ahal du."

Peio Harlouchet, Ko-kudeatzailea

"Enargiari ekarritako laguntzak gure baloreekin bat egiten du. Hain zuzen ere, herritar desmartxa horrek lurral­dearekiko lotura, lanpostu sorrera eta garapen iraunkorra batzen baititu. Ondorioz, naturala iduritu zaigu Enargia sustengatzea."

Timothée Achéritogaray, Zuzendari Nagusia

"Bi aterabide ditugu: edo gaur bezala segitzen dugu mundializazioan eta horren kalteak jasaten ditugu edo lokalki jardun egiten dugu. Ni bigarren opzioaren alde naiz. Enargiaren bidez, %100ean berriztagarri den argin­dar hornitzaile bat ukateko aukera dugu. Bikain da! En­argiarekin ekonomia, ekologia eta ezin delokalizatuak diren lanpostuak sustatzen ditugu. Euskal Herriak bere bu­rujabetza segurtatu behar du herritarren interesak se­gurtatuz. Ni bezala egin ezazue, Enargiaren bazkide bi­hurtu zaitezte. Milesker."

"Naturala iduritu zaigu lurraldearen garapen ekono­mikoa azkartzen duen eta energia burujabetza segur­tatzen duen ekimen hau laguntzea. Horrez gain, Herrikoak aldarrikatzen duen burujabetza filosofian oinarritzen da."

Marie-Claire Sallaberry, Kudeatzailea

"ENARGIAren bazkide bihurtu naiz bereziki bi arrazoinen­gatik: energia berriztagarriak lehenesteko eta honelako proiektuen bitartez iparraldearen burujabetza energeti­koa azkartzeko."

"Gure lurra eta lurraldearen aldeko eguneroko urrats guziak, ttipi ala handi, garrantzitsuak dira. Horregatik En­argia sustengatzen dut. Zuek ere ez dezazuela duda!"

"ENARGIA-ko kide bilakatzea oinarrizkoa zela iduritu zauku, ebidentea, Euskal Herriko Laborantza Ganbarak berak laborantza herrikoia sostengatzen baitu egunero. Gure kostu ekologikoaz axolatzen gira eta gure lurraldearen bizi ekonomikoari atxikiak gira. Defenditzen ditugun baloreekin ados izaiteko nahiago dugu nuklearra ez den indarra erosi, berriztagarria bai aldiz. Gainera, prezioak interesgarriak dira eta geroan gure fakturen parte bat euskoz ordaintzen ahalko dugu!"

"Euskal Herriko garapen iraunkorraz gero eta gehiago kezkaturik, nere konbikzioak eguneroko bizian aplikatzen saiatzen naiz : tokiko produktuak merkatuan erostea, euskoa erabiltzea… Energiaren kasuarekin ber izpiritua ukaitea naturala iduritzen zait. Beraz, tokiko energia berriztagarriaren alde jardutzen duen ENARGIA kooperatibaren sustengatzea erabaki nuen, ingurumenaren errespetuan lurraldearen autonomia energetikoa bultzatzen duelako."

"Energia trantsizioan arrakasta izateko, lurralde bakoitzari dagokio Euskal Herrian Enargia bezalako egiturak sortzeko anbizioa eta erantzukizuna izatea. Gutako bakoitzari berdin dagokio trantsizio honetan parte hartzea, eta Enargiara izena ematea, aldaketaren dinamikan aktiboki, konkretuki eta iraunkorrean parte hartzea da."

"Gutxienez, jaso duguna itzuli behar dugu, eta elkarrekin bizitzeko modua hobetu ahal badugu are hobea da. Eman dezagun urrats txiki bat planetarako Enargiarekin eta urrats polit bat Euskal Herriak kargua beregain hartzeko duen gaitasunaz jabetzeko."

"Nire testigantza zurekin partekatu nahi nuen ENARGIA kooperatiba laguntzeko. Dagoeneko lankidetza hitz horrek gizaki indibidualista dugun mundu batean poztu ninduen ... Ekintza honekin bat egin nahi nuen, noski, energia berriztagarriei dagokionez ekologikoengatik, baina baita gazte batekiko konpromisoagatik ere, ingurumenaren alde egiten dituen ekintzetan, ez bait dago ekintza txikirik arlo honetan ... Gainera, balio horiek gure Ama-Lurrean atxikitzen jarraitzen duen kultura baten parte direla iruditzen zait eta bertan inplikatuta sentitzen naizena. Eskerrik asko zuen hurbilpenagatik. Ongi izan."

"Nahiz eta zaila zaugun ohartzea egin aintzin, zinez 5 minutaz egina den ekintza bat da hornitzailez aldatzea Enargiara pasatzeko, hurbileko energia eta 100%-koan berriztagarrira denera pasatzeko. Bost minuta hartzeko prest lurraldea eta guzientzat hainbeste pizu duen ekintza bat eramaiteko?"

"Les Bohémiennes denden bitartez kontsumitzeko beste modu bat proposatzen dugu. Gure dendak Azkainen eta Garazin emanez lekuko bezero lehialen hautua egin dugu, haiek gu bezala hurbileko komertzioen alde direlako. Ondorioz, filosofia hori hautatuz eta Enargiak gure ber baloreak izanki, logikoa iduritu zaigu tokiko argindar hornitzaile horrekin bat egitea."

Anne-Laure Arruabarrena, Sortzailea

"Nere haurrei bidea erakusteko nahiarekin, Enargiara pasatu naiz tokiko eta garbi kontsumitzearekin bat egiten baitu. Horrezgain, lurraldeko ekonomia eta lan sorrera laguntzeko manera bat da. Izen ematea biziki errexki egiten da, aski da argindar faktura zahar bat hartzea eta idatziak diren urratsak segitzea. Damutzen naiz..ez goizago eginagatik!"

"Enargiarekin bat egitea erabaki dut tokiko ekimen bat lagundu nahi dutalako eta ingurumenaren babesari sensiblea bainaiz. Hain zuzen ere, nere aktibitatean landare margotze sistemak erabiltzen ditut eta nere denda apaintzeko bigarren eskuko egurra erabili dut tokiko artisau bat lan eginez."
Elodie Barilleau

"Tokikoa den Enargia argindar hornitzaile gisa hautatzea ebidentea izan da. Denek nahiago dugu tokiko aktore batekin lan egitea harremenak hurbilagoak direlako kalitate berdina atxikiz. Enargiara pasatuz, tokiko lantegi bat laguntzen ahal duzue hurbileko harremen bat ukanez. Zuen esku dago. Eta gainera Enargiak laguntzen zaitu behar diren urrats guziak errezki emateko."
Jessica Poirier

"Oso pozik gira Enargia famili handiarekin bat egitea! %100ean berriztagarria den eskaintza horrekin gure baloreekin bat egiten du eta gure RSE desmartxan parte hartzen du. Belharra engaiatzen duen desmartxa erreza eta zalua da!"

Patrick Bourg, Operazioen zuzendaria